30 январь куни Калифорниядаги Ньюпорт-Бич шаҳрида жойлашган уй устига вертолёт қулаши оқибатида 3 киши ҳалок бўлди. Бу ҳақда «ТАСС» хабар бермоқда.
Бортида 4 киши бўлган Робинсон 44 вертолёти Жон Уэйн номидаги аэропортдан учган ва ундан тахминан бир ярим километр узоқликда қулаган.
Дастлабки маълумотларга кўра, ҳалок бўлганларнинг учаласи ҳам вертолёт ичидагилар эди.
Бундан ташқари, ҳалокат оқибатида икки кишининг жароҳатлангани айтилмоқда. Уларнинг ҳозирги аҳволи ҳақида маълумотлар келтирилмаган.
Изоҳ (0)