26 январнинг эътиборга молик янгиликлари — «Дарё»нинг кечки дайжестида.
1. Ўзбекистонда 27 январдан ҳаво ҳарорати кескин пасайиши кутилмоқда. ИИВ Ўзбекистонда об-ҳавонинг кескин совиши муносабати билан аҳолига мурожаатнома йўллади.
2. Қирғизистон пойтахтида 15 киши қаҳратон қурбони бўлди. Метеорологларга кўра, Қирғизистонда аномал совуқ об-ҳаво январь охиригача сақланиб қолади.
3. Шавкат Мирзиёев Владимир Путин билан телефон орқали мулоқот қилди. Суҳбат якунида президентлар ўзаро ҳамкорликни янада ривожлантиришга ҳозирликларини таъкидлаб ўтди.
4. Ўзбекистон ўзининг сунъий йўлдошини учиришни режалаштирмоқда. 2018 йилги Давлат дастурида 2035 йилгача Ўзбекистон аэрокосмик саноатини шакллантириш ва ривожлантириш бўйича стратегияни ишлаб чиқиш кўзда тутилган эди.
5. Ақтўбедаги автобус ҳалокати қурбонларига бағишланган хайрияда қарийб 220 млн сўм йиғилди. «Халқ сўзи»нинг ёзишича, ҳаёти фожиали якун топган бу ўзбекистонликларнинг қисмати барчага сабоқ бўлмоғи лозим. Қозоғистон расмийлари эса Ақтўбеда ёнган автобуснинг учала ҳайдовчисини ҳам ҳибсга олди.
6. Муҳожирлар ҳаёти. Новосибирскдаги шаҳрихонлик йигит: Аввалига уйланиш учун Россияда ишладим. Энди оиламни боқиш учун Россиядаман. «Дарё» интернет-нашри «Муҳожирлар ҳаёти» лойиҳаси доирасида хорижда меҳнат қилаётган ўзбекистонлик ватандошларнинг фикрларини эълон қилиб бормоқда.
7. Persona. Анвар Бойназаров MMAда? Нега ҳамма муаммога фақат унинг ўзи югуради? Жанги учун қанча пул олади? Спортчи Ўзбекистонда профессионал спортнинг йўқ эканлиги, виза ва элчихоналар билан муаммолари ҳақида ҳикоя қилади.
Изоҳ (0)