Тошкент шаҳар божхона бошқармаси, МХХ ва Давлат солиқ инспекцияси ходимлари ҳамкорликда тезкор тадбирлар ўтказди. Бу ҳақда UzNews хабар бермоқда.
Тадбирлар давомида муқаддам айланма йўллар орқали олиб кирилган инсон нерв-асаб тизимига кучли таъсир қилувчи «Трамадол» ва «Лирика» дори воситаларининг олди-сотдиси билан шуғулланувчи шахслар фаолиятига чек қўйилди.
Жумладан, пойтахтнинг Чилонзор туманидаги автотураргоҳларнинг бирида Д.Аҳмедов (исм-шарифлар шартли) 300 та конвалютадаги, жами 3000 дона «Трамадол» дори воситаларини 5,7 миллион сўм эвазига сотаётган вақтда қўлга олинди.
Шунингдек, Учтепа туманида олиб борилган тезкор тадбир давомида Ж.Ниёзов 288 дона «Лирика» дори воситасини 4 миллион сўмга сотаётган вақтда қўлга олинди.
Ушбу ҳолатлар бўйича ҳуқуқбузарларга нисбатан холислар иштирокида тегишли процессуал ҳужжатлар расмийлаштирилиб, тадбир давомида аниқланган «Трамадол» ва «Лирика» дори воситалари ашёвий далил сифатида олиб қўйилди.
Ҳозирда мазкур ҳолатлар юзасидан текширув ҳаракатлари давом эттирилмоқда.
Изоҳ (0)