Перу президенти Педро Кучински унга нисбатан уюштирилган импичмент жараёни конституция ва демократияга ҳужум эканлигини маълум қилди. Бу ҳақда у 20 декабрь, чоршанба куни «Энэ» маҳаллий телеканали тўғридан-тўғри эфиридаги халққа мурожаатида маълум қилди, деб ёзади «ТАСС».
«Конституция ва демократия ҳужумга учради. Биз гўёки қонунчиликни қонуний талқин этиш билан ниқобланган давлат тўнтаришига (уриниш) тўқнаш келдик. Бироқ мухолифатчиларимизнинг мақсадлари уларнинг шошилинч ва ноқонуний хатти-ҳаракатлари туфайли ошкор бўлди. Улар бутун ҳокимият фақат биргина гуруҳга тегишли бўлишини истамоқда», — дейди Перу етакчиси.
Кучински истеъфога чиқиш нияти йўқлигини маълум қилди. Перу президенти уни лавозимидан олиш бўйича парламент дебатларида ўз мандатини ҳимоя қилишга ваъда берди.
Изоҳ (0)