Биткоинларининг умумий қиймати бир миллиард доллардан ортиқ бўлган ака-ука Тайлер ва Кэмерон Уинклвосс сўнгги вақтда биткоин нархининг кескин ошишига қарамасдан, ўзларининг криптовалюта захирасини сотмоқчи эмаслигини маълум қилди. Бу ҳақда New York Times хабар берди.
Миллиардерларнинг таъкидлашича, улар биткоинлар савдоси масаласини криптовалютанинг умумий қиймати бутун дунёдаги олтин захираси қийматига тенг бўлганда кўриб чиқишга тайёр. Айни вақтда бутун дунёдаги олтин захираси қиймати тахминан саккиз триллион доллар ҳисобланади, барча биткоинларнинг айни вақтдаги қиймати эса 300 миллиард доллардан кўпроқни ташкил қилади.
Шу тариқа Уинклвосслар биткоинларини бир бирлик криптовалютанинг қиймати 450 минг долларга етганда сотиши мумкин.
Ака-уканинг маълум қилишича, улар биткоин-ҳамённинг калитларини бир неча қисмга бўлган ва уларни АҚШнинг турли банкларига жойлаштирган. Шу тариқа биткоинлар эҳтимолий ўғриликдан ҳимояланган.
Изоҳ (0)