Чеченистон раҳбари Рамзан Қодиров Америка санкциявий рўйхатида ўзининг исм-шарифи пайдо бўлишини изоҳлади. У ўз Instagram’ига тренажёр залида олинган видеони жойлади, унда штанга фонида «АҚШ ерига оёқ босиш буйруғини ҳали олмагани»ни айтди.
«Бечора америкаликлар. Битта кичкина, аммо жуда мағрур Чеченистон Республикаси бутун бир давлатга тинчлик бермаяпти. Хавотирланишмасин, мен ҳозирча АҚШ ерига оёқ босиш буйруғини олганим йўқ. Унутувчан кишилар учун қайтараман, менга мамлакатнинг барча валюта захираларини мукофот сифатида ваъда қилишганида ҳам, АҚШга бормаган бўлардим», — деди у.
Қодиров қўшимча қилишича, «бутун дунёга машҳур буюк америкаликлар уйимга доимий равишда меҳмонга келиб туради, баъзилари эса Чеченистонга кўчиб ўтишни режалаштирмоқда. Уларнинг сизнинг санкцияларингиз билан иши ҳам йўқ».
20 декабрь куни Америка ҳукумати «Магнитский қонуни» бўйича санкциялар остида бўлган россияликлар рўйхатини тўлдирди. Қодировдан ташқари, чекловчи чоралар яна тўрт кишига нисбатан амал қилади.
Изоҳ (0)