Туркия ташқи ишлар вазири Мавлуд Човушўғли АҚШни БМТ Бош ассамблеясининг 21 декабрь куни бўлиб ўтадиган Қуддус Исроил пойтахти сифатида тан олинишига бағишланган махсус сессияси арафасида бошқа давлатларни чўчитиш ва таҳдид қилишда айблади. Бу ҳақда «РИА Новости» хабар бермоқда.
«Яккаланиб қолган АҚШ таҳдидларга ўтганидан хабаримиз бор. Улар ‘Биз ким ва қандай овоз берганини кузатамиз, президентга маълум қиламиз, мамлакат номини ёзиб қўямиз’ демоқда. Уларни ёзиб нима қиласиз? Бу мамлакатларни ҳам босиб оласизми ёки жазолайсизми? Давр ўзгарди. Ўзини ҳурмат қиладиган ҳеч бир давлат бундай босимга йўл қўймайди, виждонидан келиб чиқиб қарор қабул қилади. АҚШ бундай услублардан воз кечиши лозим», — деди Човушўғли.
Вазир БМТ Фаластин халқи манфаатларини ҳимоя қилишига умид билдирди.
Изоҳ (0)