Дунё бўйича табиий ва техноген офатлардан кўрилган умумий иқтисодий йўқотишлар суммаси ўтган йилга нисбатан 63 фоизга ошди ва 306 миллиард долларни ташкил этди. Бу ҳақда Швейцариянинг Swiss Re суғурта жамияти маълум қилди, деб хабар беради «Интерфакс».
«АҚШ ‘Харви’, ‘Ирма’ ва ‘Мария’ довуллари туфайли энг кўп жабр кўрди. Мамлакатда 2017 йилдаги довуллар мавсуми 2005 йилдан бери энг харажатлиси бўлди», — қайд этди жамият экспертлари.
Ўз навбатида, иқтисодий йўқотишларга қарамай, жорий йилда инсонлар ўртасидаги қурбонлар сони ўтган йилгидан деярли фарқ қилмагани билдирилмоқда.
«2017 йилда фалокатлар оқибатида бутун дунёда 11 мингдан ортиқ киши ҳалок бўлди ёки бедарак йўқолди. Бу тахминан 2016 йил даражасидаги рақам», — маълум қилди Swiss Re.
Изоҳ (0)