АҚШ Давлат котиби Рекс Тиллерсон Жанубий Кореяда қишки Олимпиада ўтказилиши давомида осиёлик шериклар билан ҳамкорликдаги ҳарбий машқлар бекор қилиниши ҳақида унга маълум эмаслигини билдирди. Бу ҳақда «Интерфакс» хабар бермоқда.
«Шерикларимиз — Жанубий Корея ва Япония билан анча олдин режалаштирилган ҳарбий машғулотлар бекор қилиниши ҳақида менга маълум эмас. Улар кўп йиллардан бери ўтказиб келинади ва бу ҳақда олдиндан хабар берилади», — деди Тиллерсон.
АҚШ Давлат котиби шу тариқа Жанубий Корея президенти Мун Чжэ Иннинг Олимпиада ўтказилиши давомида КХДР томонидан провокациялар олдини олиш мақсадида машғулотлар муддатини кўчириш масаласини кўриб чиқилаётгани ҳақидаги баёнотига изоҳ берди.
Изоҳ (0)