АҚШлик 26 ёшли Тина Гибсон 24 йил давомида музлатиб қўйилган хайрия эмбрионидан қиз фарзандни дунёга келтирди, деб хабар беради Forum Daily.
Ҳозирги кунда бу фарзанд туғилишига сабаб бўлган эмбрионни музлатиб қўйиш билан боғлиқ энг узоқ давом этган муддат ҳисобланади.
Эмма Рен исмли аёл 1992 йилда ҳомиладор бўлган эди. Бироқ, эмбрион имплантация ўрнига музлатиб қўйилганди.
1991 йилда туғилган Тина турмуш ўртоғи фиброз кистасидан азият чекаётгани туфайли фарзандли бўла олмаётган эди. Шунинг учун ҳам эр-хотин Шарқий Теннессидаги эмбрионларни хайрия қилиш миллий марказидан эмбрион олишга қарор қилди.
Бу ҳолат фарзанд асраб олиш жараёнини эслатади. Бироқ, бу ҳолатда фарзанд уни асраб олаётган она қорнида ўсади.
2017 йилнинг март ойида Эмманинг эмбриони эритилиб, Тина ва унинг турмуш ўртоғига хайрия қилинди.
Тина одатий 40 ҳафталик ҳомиладорлик муддатидан сўнг 25 ноябрда табиий усул билан қиз фарзандни дунёга келтирди. Бўйи узунлиги 51 сантиметр бўлган чақалоқнинг вазни 2950 граммни ташкил этди.
Бунга қадар фарзанд дунёга келишига сабабчи бўлган эмбрионнинг энг узоқ музлатилган даври 19 йил бўлган эди.
Изоҳ (0)