Россия ҳарбий авиацияси ва Марказий ҳарбий округ амфибия-машиналари «Союз МС-05» транспорт бошқарилувчи кема қўнишини таъминлаш учун Қозоғистон тезкор аэродромига кўчирилди. Кема қўниши 14 декабрга режалаштирилган. Бу ҳақда округ матбуот хизмати маълум қилди, деб ёзади «ТАСС».
«Қўнишни таъминлашга 12 та Ми-8 вертолёти, учта Ан-26 ва иккита Ан-12 самолёти, шунингдек, 18 та автотехника, жумладан қидирув-қутқарув амфибия-машиналари жалб этилган. Операцияда шахсий таркибнинг 200 дан ортиқ одами, жумладан, Марказий ҳарбий округ ҳарбий шифокорлари жамоаси иштирок этади. Техника Қозоғистон Республикаси тезкор аэродромига кўчирилган», — дея таъкидланади матбуот хизмат хабарида.
14 декабрь куни россиялик космонавт Сергей Рязанский, NASA ва ESA астронавтлари Рэндольф Брезник ва Паоло Несполидан иборат халқаро экипаж Ерга қайтади.
Изоҳ (0)