АҚШ ҳаёт учун яроқли сайёраларни қидириш мақсадида яқин 10 йил ичида коинотга учта янги телескоп олиб чиқишни режалаштирмоқда. Бу ҳақда NASA директори ёрдамчиси Томас Зурбукен маълум қилди, деб хабар беради «ТАСС».
«NASA ўтган йил январида орбитага 2030 йилда чиқариши мўлжалланган келгуси авлод коинот телескопи концепциясини ишлаб чиқишга ҳам киришди. Шунингдек, 1990 йилда орбитага етказилган Hubble телескопи кашфиётлар тақдим қилишда давом этмоқда», — деди Зурбукен.
Hubble ва бошқа телескоплардан олинган маълумотларга асосланиб, NASA экспертлари Қуёш тизими жойлашган Сомон йўли галактикасининг ўзида ўлчами Ер билан ўхшаш камида 11 миллиард сайёра борлигини тахмин қилганди.
1995 йилдан бери ҳаёт эҳтимоли бўлган 3,5 минг экзосайёра ва 4 мингга яқин бунга «номзод» мавжудлиги тасдиқланди.
Изоҳ (0)