«Ал-Жазира» Жаҳон Чемпионатини ғалаба билан бошлади. Сардор Рашидов захирада қолди

Кеча — 6 декабрь куни футбол бўйича клублар ўртасидаги Жаҳон Чемпионати беллашувлари старт олди.

Унинг илк ўйинида БАА чемпиони «Ал-Жазира» Океания ғолиби сифатида мундиалга ташриф буюрган Янги Зеландиянинг «Океланд Сит» клубига қарши майдонга тушди ва минимал ҳисобда зафар қучди. Беллашувдаги ягона гол Ромариньо томонидан урилди.

Регламентга кўра, мусобақага мезбонлик қилаётган мамлакат чемпиони Жаҳон Чемпионатида иштирок этади. Шу тариқа ўзбекистонлик футболчи Сардор Рашидов тўп сураётган «Ал-Жазира» чорак финалга йўл олди. «Окленд Сити»га қарши беллашувда Рашидов захирада қолди. Қайд этиш керак, бир йил муқаддам Япония чемпиони сифатида мусобақага қўшилган «Кашима Антлерс» кетма-кет 3 та ўйинда зафар қучиб, финалга қадар етиб борганди.

Чорак финални «Ал-Жазира» 9 декабрь куни Осиё Чемпионлар Лигаси ғолиби ҳисобланган Япониянинг «Урава Ред» клубига қарши ўтказади. Иккинчи жуфтликда эса Мексиканинг «Пачука» клуби Африка қитъаси етакчиси ҳисобланган Марокашнинг «Видад Касабланка» клубини синовдан ўтказади.

Эҳтимолий ғалаба «Ал-Жазира»ни ярим финалда Мадриднинг «Реал» клуби билан тўқнаштиради. Иккинчи жуфтлик ғолибини эса финал остонасида Бразилиянинг «Гремио» клуби кутиб турибди.

UzReport клублар ўртасидаги Жаҳон Чемпионати трансляцияси ҳуқуқини қўлга киритди

Равшан Эрматов клублар ўртасидаги Жаҳон Чемпионатида ишлаш учун таклиф олди

«Ал-Жазира» — «Окленд Сити» 1:0