Тошкентнинг «Бунёдкор» ва «Локомотив» футбол клублари ўртасидаги Ўзбекистон Кубоги финали арафасида учрашув бўлиб ўтадиган «Бунёдкор» стадиони олдида минглаб мухлислар тўпланди. Жараён видеоси ижтимоий тармоқларда пайдо бўлди.
Қисқа видеода Ғафур Ғулом номидаги истироҳат боғи дарвозаларидан то стадион остонасигача бўлган ҳудуд мухлислар билан тўлгани, стадион олди гавжум бўлгани сабаб, Чўпонота кўчасининг ўйингоҳ олдидан ўтган қисмида транспорт ҳаракати чекланганини кўриш мумкин.
«Бунёдкор» ва «Локомотив» ўртасидаги Ўзбекистон Кубоги финал учрашуви 4 декабрь, душанба куни Тошкент вақти билан 15:00 да бошланди. Стадионнинг аксарият секторлари мухлислар билан тўлган.
Аввалроқ «Бунёдкор» стадиони атрофидаги чорраҳаларда тирбандликлар юзага келгани ҳақида хабар берилган эди.
Изоҳ (0)