Американинг Бостон шаҳридаги RR Auction кимошди савдо уйида АҚШнинг 35-президенти Жон Кеннедига нисбатан суиқасд уюштирган Ли Харви Освальднинг қотили — Жеки Рубининг қўлёзмаси сотувга қўйилди, деб хабар берди «РБК».
Лотнинг дастлабки қиймати 12 минг долларга баҳоланмоқда. Ушбу 24 варaқли қўлёзмани Руби қамоқда, ўз ўлимини кутиб ётганида қалам билан ёзган. Руби ўз қораламаларида нима сабабдан бу ишни амалга оширганини ва у Освальдни қасддан ўлдирмаганини таъкидлаган.
Руби Далласдаги тунги клублардан бирига эгалик қилган. 1963 йилнинг 24 ноябрида, Кеннеди ўлдирилганидан икки кун ўтиб, Руби ҳуқуқ-тартибот ходимлари Освальдни полиция маҳкамасидан олиб чиқишини кутган ва унга қарата ўқ узган. Эркак ҳибсга олинган ва ўлим жазосига ҳукм этилган, бироқ кейинроқ ҳукм бекор қилинган. Руби қайта бўлиб ўтадиган судга қадар яшамаган, у ўпка саратони сабаб 1967 йилда вафот этган.
Изоҳ (0)