Жанубий Корея президенти Мун Чжэ Ин ва унинг америкалик ҳамкасби Дональд Трамп Сеулдаги Чхонвадэ (Ҳаворанг уй) қароргоҳида икки томонлама музокараларни бошлади. АҚШ президенти 7 ноябрь, сешанба куни Кореяга давлат ташрифини амалга оширди, деб хабар берди «ТАСС».
Қароргоҳда Трамп кортежини фахрий қоровул ва оркестр кутиб олди. Корея қироллари саройининг қўриқчилари каби тарихий сариқ-қизил-кўк кастюмларни кийим олган актёр ва мусиқачилар Америка президенти ўтирган автомобилни Чхонваде биносига — ҳаворанг томли анъанавий павильонга кузатиб қўйди.
У ерда америкалик меҳмонни Мун Чжэ Ин кутиб олди. Суратга тушиш маросимидан сўнг, ёпиқ эшиклар ортида музокаралар бошланди.
Таъкидлаш керакки, Жанубий Корея раҳбари режалаштирилган графигини бузиб, АҚШнинг Сеулдан 60 километр нарида жойлашган Кэмп Хамфриз ҳарбий базасига Трамп билан учрашгани келди. Мун Чжэ Иннинг базага келиши олдиндан хабар қилинмагани сабаб, бу барча учун сюрприз бўлди. Аввалроқ, икки мамлакат раҳбари куннинг иккинчи ярмида Сеулда учрашишлари ҳақида хабар берилганди.
Изоҳ (0)