АҚШ президенти Дональд Трамп ўз фармойиши билан Эронга қарши 1979 йилдан буён амал қилиб келадиган бир томонлама санкциялар муддатини узайтирди. Бу ҳақда Оқ уй сайтида айтилади.
Ҳужжатда қайд этилишича, мамлакатлар муносабатлари ҳали нормаллашмаган, ва Теҳрон билан 1981 йил 19 январдаги битимни амалга ошириш жараёни давом этмоқда. «Шу сабабли 1979 йилда эълон қилинган миллий фавқулодда вазият ва ўша куни ушбу фавқулодда вазиятни ҳал қилиш учун қабул қилинган чоралар 2017 йил 14 ноябрдан кейин ҳам давом этиши керак», — дейилади Трампнинг қарорида.
1981 йил 19 январда АҚШ ва Эрон Жазоир воситачилигида битимлар имзолаган, унга мувофиқ Теҳронда бир йилдан ортиқ вақт давомида асир сифатида сақланаётган америкалик дипломатлар озод этилган эди. Битим Вашингтоннинг Эроннинг ички ишларига аралашмаслигини, Эрон банк ҳисобларини музлатиб қўйишини ва савдо санкцияларини олиб ташлашини, Эроннинг эса АҚШ олдидаги ташқи қарзларни тўлашини назарда тутарди.
Изоҳ (0)