АҚШ президенти Дональд Трамп мамлакат конгрессининг қуйи палатасига мактуб орқали мурожаат қилиб, Шимолий Корея ва Афғонистон билан боғлиқ вазиятлар сабаб мамлакат мудофааси бюджетини оширишни сўради. Бу ҳақда Оқ уй матбуот хизматига таяниб, «Газета.ru» хабар берди.
Трамп ўз мактубида Шимолий Кореянинг таҳдидига қарши туриш учун мудофаа соҳасидаги шошилинч чора-тадбирларни қўллаб-қувватлашга 4 миллиард доллар, шунингдек, «Жанубий Осиёдаги менинг маъмуриятим» стратегиясини қўллаб-қувватлаш учун 1,2 миллиард доллар сўради.
Трампнинг аниқлик киритишича, қўшимча молиялаштириш Афғонистондаги Америка ҳарбийлари сонини 3,5 мингтага етказиш учун зарур.
Бундан ташқари Америка етакчиси АҚШ Ҳарбий-денгиз кучларининг «Жон Маккейн» ва «Фицжеральд» кемаларини таъмирлаш учун яна қўшимча 700 миллион дўллар сўради.
Изоҳ (0)