iPhone Х сотувга 3 ноябрдагина чиқади, ҳатто ўшанда ҳам, экспертлар фикрича, ушбу қурилмаларнинг жиддий танқислиги кузатилиши кутилмоқда, деб ёзади «Hi-tech.mail.ru».
Android’да ишловчи смартфонлар фойдаланувчилари эса Apple’нинг янги флагманига хос баъзи хусусиятларни ҳозирданоқ синаб кўриши мумкин, бунинг учун қурилма экранининг тепа қисмидаги шов-шувли «кесим»га тақлид қилувчи дастурни ўрнатиш кифоя.
iPhone Х экранининг юқори қисмида жойлашган «кесим»да Face ID юзни таниб олувчи тизим қўллайдиган кўп сонли датчиклар , шунингдек, динамик ва олд камера жойлашган.
Android-қурилмалар учун мўлжалланган оддий дастур ўрнатилиб, ёқилгач, «кесим»нинг виртуал версияси экраннинг тепа қисмида пайдо бўлади, унга ҳатто камера датчиклари ва бошқалар ҳам чизиб қўйилган.
Изоҳ (0)