18 сентябрь куни тушдан сўнг ICTWEEK Uzbekistan – 2017 АКТ ҳафталиги олдидан журналистлар учун матбуот анжумани ташкил этилди.
Ахборот технологиялари ва коммуникацияларини ривожлантириш вазирлиги матбуот хизмати, UZINFOCOM Маркази, Huawei Tech Investment Tashkent, ZTE Corporation, SOFTLINE ШК, Microsoft CIS ва бошқа шу каби қўшма ҳамда маҳаллий корхоналарнинг вакиллари расман эртадан бошланиши кутилаётган ҳафталик бўйича батафсил маълумотлар тақдим этиб, журналистларнинг саволларига жавоб қайтарди.
19 сентябрь куни эрталаб бошланиши режалаштирилган ICTSUMMIT саммити ҳафталикнинг илк йирик тадбири бўлиши кутилмоқда. Ҳафталик кун тартибидан ўрин олган семинар-тренинг, анжуман ҳамда кўргазмаларда ахборот технологиялари бўйича Ўзбекистон ва хорижий мутахассислар соҳани янада ривожлантиришга оид замонавий ёндашувларга бағишланган маърузалари билан иштирок этади.
ICTWEEK Uzbekistan – 2017 АКТ ҳафталигининг тўлиқ дастури ҳафталикнинг махсус сайтида жойлаштирилган.
Изоҳ (0)