Apple компанияси Product RED талқинидаги iPhone 7 ва iPhone 7 Plus смартфонларининг савдосини тўхтатди. Қурилмалар компаниянинг онлайн дўкони сайтидан олиб ташланган, Google қидирувида сақланиб қолган ҳавола эса аввалги авлод смартфонларининг одатий саҳифасига йўналтирилган. Бу ҳақда TJournal хабар берди.
iPhone 7 Product RED лойиҳаси доирасида ишлаб чиқариладиган Apple маҳсулотлари саҳифасидан ҳам олиб ташланган. Унинг ўрнида iPhone 8 ва iPhone 8 Plus учун мўлжалланган қизил силиконли ғилофлар пайдо бўлган.
TJournal’нинг re:Store савдо тармоғига таянган ҳолда ёзишича, қизил iPhone’ларнинг тамом бўлганлиги сабабли улар тармоқ томонидан бошқа сотиб олинмайди. Тармоқ ихтиёрида бўлган акцияли смартфонлар эса бир ой ичида сотиб тугатилиши режалаштирилган. Бироқ iPhone 7 нинг нархи арзонлашгани сабабли бу муддат қисқариши мумкин.
iPhone 7 учун биринчи марта Product RED хайрия дастури доирасида 2017 йил март ойининг охирида буюртма қабул қилиш бошланган. Ўшнда Apple томонидан акция вақтинча бўлиши таъкидланган ва унинг тугаш муддати маълум қилинган эди.
Изоҳ (0)