19 сентябрь куни ICTWEEK Uzbekistan – 2017 АКТ ҳафталиги доирасида илк расмий тадбир ICT Summit 2017 анжумани ўтказилди. Тадбирни Ахборот технологиялари ва коммуникацияларини ривожлантириш вазири биринчи ўринбосари Олимжон Умаров очиб берди. Шунингдек, Huawei Tech Investment Tashkent компаниясининг бош директори Ван Пэн сўзга чиқиб саммит ҳамда ҳафталикка доир фикрлари билан ўртоқлашди.
Саммитда Жаҳон банки, Huawei Technologies Co., LTD (Хитой), Microsoft CIS (Россия), IBM (Россия) каби нуфузли ташкилотларнинг мутахассислари рақамли иқтисодиёт, саноат, сунъий ақл ҳамда глобал рақамли трансформациялар каби соҳаларни ўз ичига олган турли маърузалар билан чиқиш қилди.
Тадбир доирасида, CIO Summit ҳам ташкил этилиб, унда иштирокчилар «IOT ва машинани ўрганиш учун платформалар», «Рақамли трансформациялар», «Huawei’дан рақамли трансформациянинг кўриниши» каби мавзулар юзасидан тақдимотлар билан танишдилар.
Саммитдан сўнг соат 14:00 да ICTEXPO кўргазмаси очиб берилди. Кўргазма 19-21 сентябрь кунлари бўлиб ўтиши кўзда тутилган.
Изоҳ (0)