Расман: Google Pixel 2 смартфонлари тақдимоти ҳақида ноодатий усулда эълон қилди

Google компанияси 4 октябрь куни янги қурилмалари тақдимоти бўлиб ўтиши ҳақида ноодатий тарзда эълон қилди, деб ёзади «Hi-tech.mail.ru».

Бунинг учун Google оддий таклифномалар ёки ОАВ учун пресс-релиз тарқатмади, балки интернетга ўзига хос видеоролик жойлади, видеода Google қидирув сатри акс этган бўлиб, унда фойдаланувчилар ўз смартфонларига алоқадор муаммолар ҳақида сўраган: «телефонимнинг батареясига нима бўлган?», «нима учун телефоним бундай хира суратларни оляпти?» ва шунга ўхшаш бошқа саволлар.

https://youtu.be/etmUU1bs41s

Ролик сўнгида «Ҳалиям савол бераётганингиз ғалати» деган ёзув ва 4 октябрь санаси кўрсатилади. Google қўшимчасига Ask More номли сайтни ҳам ишга туширди, у 4 октябрдаги муҳим воқеани ўтказиб юбормаслик учун ўз электрон қутисини киритишни таклиф этади.

Шунингдек, Бостонда Google логотипи ва «Ўз смартфонингиз ҳақида кўпроқ савол беринг» деган ёзув туширилган реклама тахтаси пайдо бўлди.

Google ўз тақдимотида Pixel 2 ва Pixel ХL 2 смартфонларини намойиш қилиши кутилмоқда.