Эронда ислом инқилоби қўриқчилари корпуси ИШИД жангарилари уюштиришни режалаштирган терактнинг олдини олди. Бу ҳақда Reuters агентлиги хабар бермоқда.
Операция Шархиёр шаҳарчасида ўтказилди. Корпус маҳаллий бўлинмалари қўмондони Амин Яминийнинг сўзларига қараганда, террорчилар етакчиси ҳибсга олинган. Ҳужумни келаси ҳафтада амалга ошириш режалаштирилган эди.
Қўлга олинган жангари аввал Сурияда жанг қилган. Унга диний байрам чоғида ўз-ўзини портлатиши керак бўлган 300 кишини тўплаш вазифаси юклатилган. Фитначи мобил телефон орқали сўзлашувлари эшитилиши туфайли қўлга тушди. Ўзларини ИШИД аъзолари деб таништирган корпус жангчилари учрашув белгилади ва уни ҳибсга олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)