29 август куни саҳарда учирилган КХДР ракетаси Япониянинг Хоккайдо ороли осмонидан учиб ўтиб, ундан 1180 км нарига, Тинч океанига қулади, деб ёзади «РИА Новости» Япония вазирлар маҳкамаси бош котиби Ёсихиде Сугага таяниб.
«Тахминан эрталабки 5:58 (Тошкент вақти билан 01:58)да парвоз амалга оширилди, тахминан 6:06 (Тошкент вақти билан 02:06)да ракета Хоккайдодаги Эримо бурни устидан учиб ўтди», — деди Суга.
Унинг сўзларига кўра, ракета Эримодан 1180 км масофага келиб тушган.
Суга қўшимча қилишича, Япония ҳудудига КХДР ракетаси бўлаклари қулагани аниқланмаган, етган зарар ҳақида маълумотлар келиб тушмаган.
Изоҳ (0)