Бирлашган Араб Амирликлари президенти Шайх Халифа Бин Заед Ал Нахян 28 август куни Қурбон ҳайити арафасида 803 нафар қамоқхона маҳбусларини озодликка чиқариш ҳақидаги буйруқни имзолади, деб ёзади UAE Inside.
Маҳбуслар турли жиноятлар учун турли моддалар бўйича судланган, аммо улар айнан қандай жиноятларни амалга оширганига манба аниқлик киритмаяпти. Шайх Халифа, шунингдек, жиноятчилар бўйнидаги барча молиявий мажбуриятларни бажаришга ваъда берди.
Афв президентнинг озод этилган жиноятчиларга янги ҳаёт бошлаш учун иккинчи имкониятни тақдим этиш ва «уларнинг оилалари азобларини енгиллаштириш» бўйича дастурининг бир қисмидир.
Изоҳ (0)