АҚШда юз берган «Харви» тўфони оқибатида Дикинсон шаҳридаги La Vita Bella номли қариялар уйини сув босди. Ҳолат акс этган суратда қариялар сувга тўлган хонада ўтирганини кўриш мумкин. Бу ҳақда Meduza хабар берди.
" data-action="zoom" class="border lazyload" />
Сурат 27 августда дастлаб Twitter’да пайдо бўлган. Фойдаланувчилар қутқарувчиларни тезроқ етиб боришга ва қарияларга ёрдам беришга чақирган. Хабар берилишича, куннинг охирига бориб сурат 2400 мартадан кўпроқ улашилган.
Фотосурат ва оригинал твит муаллифи Тимоти Макинтош исмли фойдаланувчи бўлиб чиққан. Унинг маҳаллий газетага маълум қилишича, қариялар уйи унинг қайнонаси Труди Лампсонга тегишли. Макинтошнинг хотини Кемберлининг айтишича, муассаса сув остида қолган ва ҳамма қутқарувчилар келишини кутган.
Баъзи фойдаланувчилар фотосуратда «Харви» тўфони оқибатида юз берган тошқин акс этганига шубҳа қилган, бироқ суратнинг ҳақиқийлиги қутқарув операцияси давомида тасдиқланган. Дикинсондаги операция координатори Дэвид Попоффнинг журналистларга айтишича, қутқарувчилар La Vita Bella қариялар уйига етиб борган ва қарияларни вертолёт ёрдамида эвакуация қилган. Унинг тасдиқлашича, қутқарилганлар орасида Тимоти Макинтош томонидан олинган суратга тушганлар ҳам бўлган.
Уйдан жами 18 киши, шу жумладан 15 нафар қария қутқарилган.
Изоҳ (0)