«Толибон» Афғонистон жанубидаги тўғонни портлатиб юборди

«Толибон» жангарилари Афғонистон жанубидаги Қандаҳор вилоятида тўғонни портлатди. Бу ҳақда «Газета.ru» хабар бермоқда.

Khaama Press агентлигининг қайд этишича, сўнгги бир неча кун ичида «Толибон» жанубий вилоятларда айниқса фаоллашган.

Маҳаллий полиция вакили Зиё Дуронийнинг маълум қилишича, тўғон ҳақиқатан ҳам «Толибон» жангарилари томонидан вайрон қилинган.

Унинг айтишича, мазкур тўғон вилоятдаги минглаб акр қишлоқ хўжалиги майдонларини суғоришда муҳим аҳамиятга эга эди.

Хабар беришларича, тўғоннинг вайрон бўлгани маҳаллий аҳолини саросимага солиб қўйган — сувсизлик ҳудуддаги унумдор ерларнинг ҳолатига салбий таъсир кўрсатиши мумкин.

Khaama Press’нинг қайд этишича, «Толибон»нинг ўзи ҳозирча мазкур ҳодиса юзасидан бирор баёнот бергани йўқ.