Россия президенти Владимир Путин давлатга хиёнат иши бўйича судланган икки аёл — Марина Жанжгава ва Анник Кесянни авф этди. Бу ҳақда Meduza хабар бермоқда.
Путиннинг авф этиш ҳақидаги фармонлари 29 июль куни Россия ҳуқуқий ахборот интернет-порталида эълон қилинган. Фармонлар 10 кундан сўнг расман кучга киради.
Хабар беришларича, Марина Жанжгава ва Анник Кесян Жанубий Осетиядаги 2008 йилги қуролли низодан бироз аввал Сочидаги темирйўлдан Россия ҳарбий техникалари олиб ўтилаётгани ҳақида Грузиядаги танишларига SMS-хабарнома юборгани учун судланган эди.
Худди шундай айблов бўйича Сочида 2015 йили Оксана Севастиди судланган эди, у саккиз йилга озодликдан маҳрум этилган эди. 2017 йил мартида Путин уни ҳам авф этган эди.
Изоҳ (0)