Зимбабвенинг 93 ёшли президенти Роберт Мугабе ўз лавозимини тарк этмоқчи эмаслигини ва ўлмаслигини маълум қилди. Бу ҳақда «Газета.ru» хабар бермоқда.
Мугабе президентликдан кетмаслиги ва ўлмаслиги ҳақидаги гапларни Чинхойи шаҳрида ўн минглаб тарафдорлари олдида қилган чиқиши чоғида айтиб ўтган.
Мугабе, шунингдек, президентлик курсисида унинг ўрнини босиши мумкин бўлган бирорта ҳам одамни билмаслигини айтиб ўтган. Айни вақтда, унинг таъкидлашича, шифокорлар унинг «кучли скелети»ни кўриб, ҳайратда қолган.
Мугабе 1980 йилдан бери Зимбабвега раҳбарлик қилиб келади, унинг саломатлиги шифокорлар томонидан мунтазам равишда назорат қилиб турилади.
Аввалроқ Зимбабве президентининг вакили Мугабе мажлислар вақтида ухламаслиги, аксинча, кўзларини пастга қаратиб, уларни асрашини маълум қилган эди.
Изоҳ (0)