АҚШ молия вазирлиги 28 июль, жума куни Эронга нисбатан санкциялар рўйхатини кенгайтирди. Идора сайтидаги маълумотларга кўра рўйхатга яна олтита компания қўшилган, деб хабар берди «ТАСС».
«Қора рўйхат»дан аввалроқ санкцияга учраган Shahid Hemmat Industrial Group саноат гуруҳи билан боғлиқ тармоқлар ўрин олди.
«АҚШ ҳукумати гап баллистик тизимларга хавф туғдирувчи провокацион космик парвозлар ёки Саудия Арабистонига яманлик хусийлар томонидан уюштирилиши мумкин бўлган ракета ҳужумларини қўллаб-қувватлашга боғлиқ ёки боғлиқ эмаслигидан қатъи назар Эроннинг ракеталарни учиришга алоқадор фаол ҳаракатига қарши туришда давом этмоқда», — дейди идора раҳбари Стивен Мнучин.
Изоҳ (0)