АҚШда ўлим жазосининг ижроси охирги 25 йил ичида етти марта кўчирилган 75 ёшли қотил Томми Арчер қатл этилди. Бу ҳақда CNN телеканали хабар берди, деб ёзади «Вести.ru».
Арчер Этмор шаҳридаги «Холмен» қамоқхонасида 25 май куни кечқурун ўлим инъекцияси ёрдамида қатл этилди. Алабама штати губернатори жиноятчи адвокатларининг қатл этишни навбатдаги кейинга қолдириш ҳақидаги илтимосини қаноатлантиришни рад этди. Ҳимоячилар унинг иши бўйича қўшимча ДНК таҳлилини талаб қилган эди.
Арчер 1982 йилда маъшуқаси Жуди Викернинг илтимосига кўра унинг эри Трой Викерни ўлдиргани учун ўлим жазосига ҳукм қилинган эди. Дастлаб уйига номаълум жиноятчи бостириб кирганлигини таъкидлаган аёл кейинроқ тергов билан ҳамкорлик қилиб, эрининг ўлими учун суғурта пули олиш учун Арчерга ўн минг доллар тўлаганлигини тан олган.
Арчерга нисбатан якуний ҳукм 1991 йилда чиқарилганлигига қарамасдан, у ҳукм ижросини жами етти марта ортга суришга эришган. Бунга инъекция йўли билан қатл этиш юрагидаги муаммолар туфайли унга қўшимча азоб беришини рўкач қилган.
Изоҳ (0)