Хитойда дунёдаги энг йирик сузиб юрувчи қуёш электр станцияси ишга туширилди ва маҳаллий электр тармоғига уланди, деб ёзади «Reired.ru».
Аньхой провинциясининг Хуайнань шаҳри яқинида жойлашган янги сузувчи электр станцияси 40 мегаватт қувватга эга бўлиб, у Sungrow Power Supply Co. компанияси муҳандислари томонидан ишлаб чиқилган.
Ўтган йили 20 мегаваттли қуёш электр станцияси сувга туширилган эди, аммо Хитой яқин йилларда бундай конструкциялар сонини фаол тарзда ўстирмоқчи.
Сузиб юрувчи электр станциялари ноёб дизайни ва ер майдони ажратилишини талаб қилмаслиги туфайли тобора оммалашиб бормоқда. Бундан ташқари, бундай станциялар сув буғланишини секинлаштиради, бу эса экология учун фойдали.
2020 йилгача Хитой қуёш электр станцияларидан олинадиган энергия миқдорини умумий истеъмол қилинадиган энергиянинг 20 фоизигача етказишни режалаштирмоқда.
Изоҳ (0)