Бу каби қимматбаҳо картиналарни хизматига яраша баҳолаш ва улардаги сирли маънони англашга ҳамма ҳам қодир эмас. Бироқ уларнинг нархи баъзан энг юқори кўрсаткичларга етиб, уларни харид қилиш учун дунёнинг турли бурчакларидан коллекционерлар кимошди савдосида қатнашиш учун тўпланади.
AdMe ўнлаб миллионларга сотилган ана шундай санъат асарларини эътиборингизга ҳавола этишга қарор қилди.
«Тўқ сариқ, қизил, сариқ»
Марк Ротко, 1961Баҳоси: 86 882 000 доллар
Муаллиф ранглар томошабинни гирдоб каби ўзига тортиши учун асарни 45 сантиметр масофадан томоша қилишни тавсия этган. Рассом томошабин уларга қараб туриб, йиғлаши кераклигини маълум қилган ва ана шундай ҳолатлар ҳақиқатда юз берган.
«5-рақам»
Жексон Поллок, 1948Баҳоси: 140 000 000 доллар
Поллок ишларининг баҳоси унинг натижасида эмас, балки жараёндадир. Муаллиф ўз санъатини бежизга «ҳаракат тасвири» деб атамаган. Жексон Поллок бўёқни қум, майдаланган шиша билан аралаштирган, суратларни эса картон парчаси, мастихин, пичоқ ёки куракча билан чизган.
False start
Жаспер Жонс, 1959Баҳоси: 80 000 000 доллар
Жонс реал предметлар билан ишлаган ва уларни холст ёки ҳайкалда оригинали билан тўлиқ мувофиқликда акс эттирган. У ишлари учун ҳаммага тушунарли, оддий буюмлар: пиво шишаси, байроқ ёки хариталардан фойдаланган.
«Супрематик композиция»
Казимир Малевич, 1916Баҳоси: 60 000 000 доллар
Картина Амстердамнинг шаҳар музейида 50 йилга яқин сақланди. Бироқ Малевичнинг қариндошлари билан 17 йиллик тортишувдан сўнг музей картинани уларга берди. Унга тепадан қараган маъқул: полотнодаги шакллар ернинг ҳаводан кўринишини эслатади.
«Ухлаётган қиз»
Рой Лихтенштейн, 1964Баҳоси: 44 882 000 доллар
Рой Лихтенштейн комикслар асосидаги картиналари билан машҳурликка эришди. У картиналари инсон томонидан яратилган эмас, босмадан чиққандек кўринишини истаган. Уларнинг ўзига хос жиҳати ҳам шунда. Рассом бир нечта типографик ранглар, қора чизиқлар ва нуқталардан фойдаланган.
«Санъат асари»
Хуан Миро, 1927Баҳоси: 36 824 000 доллар
Картинанинг бошқача номланиши — «Зангори юлдуз». Рассом уни «Мен санъатни ўлдиришни истайман» деб эълон қилган йили чизган. У холстни аямасдан масхара қилган, бўёқни мих билан тирнаган, полотнога патлар ёпиштирган, ишларини чиқитлар билан қоплаган.
1949-A-No.1
Клиффорд Стилл, 1949Баҳоси: 61 700 000 доллар
Стилл ўзининг барча ишларини Американинг унинг номи билан музей очадиган шаҳрига васият қилган. Бу шаҳар Денвер бўлди. Бироқ қурилиш шаҳар расмийларига қимматга тушганлиги учун рассомнинг тўртта иши кимошди савдосига қўйилди.
«Ғалаба. Буги-вуги»
Пит Мондриан, 1944Баҳоси: 40 000 000 доллар
ХХ асрнинг энг «мусиқий» рассоми акварел натюрмортлари билан яшаш учун даромад қилган. Унинг тартибли квадратлари ёпишқоқ тасма ёрдамида ишланган.
«Анна ранги»
Барнетт Ньюман, 1968Баҳоси: 105 700 000 доллар
Ньюман томонидан 1968 йилда ишланган «Анна ранги» полотноси унинг 1965 йилда вафот этган онасининг хотирасига номланган. Рассом ижодий меросининг энг йирик асари ҳисобланади. Унинг ўлчамлари — 610,5 х 275 сантиметр.
«200 та шўрва банкаси»
Энди Уорхол, 1962Баҳоси: 70—100 миллион доллар
1960—1962 йилларда «Кэмпбелл» шўрваси консерва банкалари акс этган бир қатор суратлар пайдо бўлган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)