Bu kabi qimmatbaho kartinalarni xizmatiga yarasha baholash va ulardagi sirli ma’noni anglashga hamma ham qodir emas. Biroq ularning narxi ba’zan eng yuqori ko‘rsatkichlarga yetib, ularni xarid qilish uchun dunyoning turli burchaklaridan kolleksionerlar kimoshdi savdosida qatnashish uchun to‘planadi.
AdMe o‘nlab millionlarga sotilgan ana shunday san’at asarlarini e’tiboringizga havola etishga qaror qildi.
“To‘q sariq, qizil, sariq”
Mark Rotko, 1961Bahosi: 86 882 000 dollar
Muallif ranglar tomoshabinni girdob kabi o‘ziga tortishi uchun asarni 45 santimetr masofadan tomosha qilishni tavsiya etgan. Rassom tomoshabin ularga qarab turib, yig‘lashi kerakligini ma’lum qilgan va ana shunday holatlar haqiqatda yuz bergan.
“5-raqam”
Jekson Pollok, 1948Bahosi: 140 000 000 dollar
Pollok ishlarining bahosi uning natijasida emas, balki jarayondadir. Muallif o‘z san’atini bejizga “harakat tasviri” deb atamagan. Jekson Pollok bo‘yoqni qum, maydalangan shisha bilan aralashtirgan, suratlarni esa karton parchasi, mastixin, pichoq yoki kurakcha bilan chizgan.
False start
Jasper Jons, 1959Bahosi: 80 000 000 dollar
Jons real predmetlar bilan ishlagan va ularni xolst yoki haykalda originali bilan to‘liq muvofiqlikda aks ettirgan. U ishlari uchun hammaga tushunarli, oddiy buyumlar: pivo shishasi, bayroq yoki xaritalardan foydalangan.
“Suprematik kompozitsiya”
Kazimir Malevich, 1916Bahosi: 60 000 000 dollar
Kartina Amsterdamning shahar muzeyida 50 yilga yaqin saqlandi. Biroq Malevichning qarindoshlari bilan 17 yillik tortishuvdan so‘ng muzey kartinani ularga berdi. Unga tepadan qaragan ma’qul: polotnodagi shakllar yerning havodan ko‘rinishini eslatadi.
“Uxlayotgan qiz”
Roy Lixtenshteyn, 1964Bahosi: 44 882 000 dollar
Roy Lixtenshteyn komikslar asosidagi kartinalari bilan mashhurlikka erishdi. U kartinalari inson tomonidan yaratilgan emas, bosmadan chiqqandek ko‘rinishini istagan. Ularning o‘ziga xos jihati ham shunda. Rassom bir nechta tipografik ranglar, qora chiziqlar va nuqtalardan foydalangan.
“San’at asari”
Xuan Miro, 1927Bahosi: 36 824 000 dollar
Kartinaning boshqacha nomlanishi — “Zangori yulduz”. Rassom uni “Men san’atni o‘ldirishni istayman” deb e’lon qilgan yili chizgan. U xolstni ayamasdan masxara qilgan, bo‘yoqni mix bilan tirnagan, polotnoga patlar yopishtirgan, ishlarini chiqitlar bilan qoplagan.
1949-A-No.1
Klifford Still, 1949Bahosi: 61 700 000 dollar
Still o‘zining barcha ishlarini Amerikaning uning nomi bilan muzey ochadigan shahriga vasiyat qilgan. Bu shahar Denver bo‘ldi. Biroq qurilish shahar rasmiylariga qimmatga tushganligi uchun rassomning to‘rtta ishi kimoshdi savdosiga qo‘yildi.
“G‘alaba. Bugi-vugi”
Pit Mondrian, 1944Bahosi: 40 000 000 dollar
XX asrning eng “musiqiy” rassomi akvarel natyurmortlari bilan yashash uchun daromad qilgan. Uning tartibli kvadratlari yopishqoq tasma yordamida ishlangan.
“Anna rangi”
Barnett Nyuman, 1968Bahosi: 105 700 000 dollar
Nyuman tomonidan 1968-yilda ishlangan “Anna rangi” polotnosi uning 1965-yilda vafot etgan onasining xotirasiga nomlangan. Rassom ijodiy merosining eng yirik asari hisoblanadi. Uning o‘lchamlari — 610,5 x 275 santimetr.
“200 ta sho‘rva bankasi”
Endi Uorxol, 1962Bahosi: 70—100 million dollar
1960—1962-yillarda “Kempbell” sho‘rvasi konserva bankalari aks etgan bir qator suratlar paydo bo‘lgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)