Дубай амирлиги шаҳар жанубида жойлашган иккинчи ҳаво қўналғаси — Ал-Мактум номли халқаро аэропортни (DWC) кенгайтириш ва ривожлантириш учун 35,7 миллиард доллар сарфлайди. Бу ҳақда «Интерфакс» хабар бермоқда.
Амирликнинг икки аэропорти оператори бўлган Dubai Airports маълумотларига кўра, Дубайда «Экспо-2020» бутунжаҳон кўргазмаси ўтказилиши давомида ва узоқ истиқболда йўловчи ҳамда юк оқими ошиши талабларини қондиришга қаратилган икки йирик лойиҳага қўл урилди.
Мазкур лойиҳалардан бири туфайли DWC йўловчи терминалининг одам ўтказиш имконияти ҳозирги йилига 5 миллиондан 2017 йил охирига келиб 26 миллион кишига етиши мумкин. Рўйхатга олиш, юкни топшириш ва миграция назорати, шунингдек, текшириш ва хавфсизликни таъминлаш ҳудудлари кенгайтирилади.
Лойиҳа якунланганидан сўнг Дубайнинг иккинчи аэропорти 24 та чиқиш жойи, 7 та юкни бериш лентаси ва 104 та рўйхатга олиш дарчасига эга бўлади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)