АҚШ сайланган президенти Дональд Трамп уни демократларга қарши киберҳужумларда айблаган Оқ уй матбуот котиби Жошуа Эрнестни «аҳмоқ йигит» деб атади. Бу ҳақда CNN телеканалига таяниб, «ТАСС» хабар бермоқда.
«У аҳмоқ йигит. Матбуот котиби лавозимида шунга лойиқ инсон бўлиши жуда муҳим. У баёнот беришни мутлақо уддасидан чиқолмаяпти», — дея таъкидлади Трамп Херши шаҳрида (Пенсильвания штати) тарафдорлари орасидаги чиқиши чоғида.
Оқ уй матбуот котиби Жошуа Эрнест 15 декабрь, пайшанба куни журналистлар учун брифинг давомида Трамп гўё Россия киберҳудудда ноқонуний ишлар билан шуғулланаётганини билгани, бу фаолият унга ёрдам бериб, Ҳиллари Клинтонга эса зиён етказганини даъво қилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)