Хитойлик ҳарбийлар Америка океанография кемасига тегишли автоном сув ости қурилмасини қўлга олди, дея хабар бермоқда «Интерфакс». Бу ҳақда CNN Пентагондаги манбасига таяниб хабар берди.
Ҳодиса 15 декабрь куни Жанубий Хитой денгизидаги халқаро сувларда «Боудич» тадқиқот кемаси экипажининг кўз ўнгида содир бўлди. Океаншунослар Субик-Бей (Филиппин) кўрфазидан тахминан 100 км масофада тўхтаган ва ўзининг иккита сув ости дронини кўтармоқчи бўлган. Шу пайтда АҚШ кемасини бир неча кун давомида тўхтовсиз таъқиб қилган хитойликлар сувга қайиқ тушириб, қурилма ёнига сузиб борган ва уни олиб кетган.
Нархи 150 минг долларга баҳоланаётган сув ости учувчисиз қурилмаси денгиз туби харитасини тузишда қўлланилган.
Таъкидланишича, тадқиқот кемаси экипажи фуқаро шахслардан иборат бўлган: кема АҚШга тегишли бўлса-да, ундан денгиз ташувлари қўмондонлиги фойдаланган.
АҚШ мудофаа вазирлиги ҳодисага расман изоҳ берганича йўқ.
Изоҳ (0)