Бразилия миллий терма жамоасининг собиқ аъзоси Роналдиньо авиаҳалокатга учраган «Шапекоэнсе» клуби сафига бориб қўшилиши ҳақида хабарлар эълон қилинганди.
Сўнгги икки кун давомида бир қатор нашрлар Роналдиньонинг 2008 йилда тушган суратидан фойдаланиб, унинг «Шапекоэнсе» сафига бориб қўшилгани ҳақида маълумот берди, деб ёзди «ISport» нашри. Бу эса аслида ёлғон ахборотдир.
Бундан ташқари, Криштиану Роналду ва «ПСЖ» футбол клубининг «Шапекоэнсе» учун катта миқдорда кўмак пули бериши ҳам ёлғон ахборот бўлиб чиққан.
Машҳур The Sun нашри ҳам Роналдиньонинг футболга қайтгани борасида хабар эълон қилган. Бир неча дақиқадан кейин эса ўша хабар ўчириб ташланган.
Бразилиянинг Globoesporte нашри маълумотига кўра, Роналдиньо «Шапекоэнсе»га умуман таклиф билан чиқмаган, бироқ қўлидан келганича ёрдам беришга тайёр экани ҳақида айтган. Футболчининг акаси ва бир вақтда агенти Роберто Ассис Роналдиньо мухлислардан бунга оид юзлаб мактублар олгани ва улардан таъсирлангани ҳақида сўзлаган. Шунга қарамай ҳозирча аниқ қарорга келмаган.
Изоҳ (0)