Бельгия ва Нидерландия мамлакатлар ўртасидаги чегарани соддалаштириш учун Маас дарёси бўйида жойлашган кичикроқ ер участкаларини бир-бирига беришга рози бўлди. Бу ҳақда 29 ноябрь, сешанба куни The Guardian нашри маълум қилди, деб ёзади «Интерфакс».
Алмашув тенг кучли эмас, Нидерландия уч гектар ерни берган ҳолда, 16 гектарни қўлга киритмоқда.
Дарё бўйлаб чегара 1830 йилда Бельгия мустақилликни қўлга киритгандан сўнг белгиланган эди. Бироқ 1961 йилда кемалар қатновини енгиллаштириш учун дарё ўзани сунъий равишда тўғриланган. Бунинг оқибатида ҳар иккала мамлакат ерларининг бир қисми қарама-қарши соҳилда қолган. Шунинг учун ҳозирда бир давлатдан бошқасига чегарани бузмасдан фақат қайиқда ўтиш мумкин.
Ташқи ишлар вазирлари томонидан 28 ноябрь, душанба куни имзоланган битим 2018 йилда Бельгия ва Нидерландия парламенти томонидан ратификация қилингандан кейин расман кучга киради.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)