Туркия жанубидаги Адана провинциясининг Ааладаг шаҳрида мактаб ётоқхонасида келиб чиққан ёнғин натижасида 11 нафар ўқувчи қиз ҳалок бўлди, деб ёзади «Интерфакс» маҳаллий ҳукуматга таяниб.
Ёнғинда жами 12 киши қурбон бўлди, 22 киши жароҳат олди.
«Биз ёнғинда 12 нафар фуқароларимизни йўқотдик, улардан 11 нафари — ўқувчилар, бир нафари эса тарбиячи. Яна 22 киши жароҳатлар олди», — деди маҳаллий губернатор Маҳмуд Демиртас. Маълумотларга кўра, ҳалок бўлган болаларнинг барчаси — 11—14 ёшли қизлар.
Унинг таъкидлашича, дастлабки маълумотларга кўра, ёнғинга электр симлари билан боғлиқ муаммолар сабаб бўлган.
Ёнғин 29 ноябрь куни маҳаллий вақт билан 19:25 (Тошкент вақти билан 21:25)да содир бўлди, уни ўчиришга уч соатга яқин вақт кетди.
Изоҳ (0)