Россиянинг Санкт-Петербург шаҳрида автомобилга қарата ўт очилди. Ҳайдовчи ўққа чап бериб қолишга муваффақ бўлди, деб хабар берди «1news.uz» нашри.
«Фонтанки» нашри маълумотига кўра, бу воқеа 15 ноябрь куни соат тахминан 5 ларда Садовой ва Ломоносов кўчалари кесишмасида кузатилган. Номаълум шахс индамай пистолтини ўқлаган ва уни Daewoo автомобилига қарата ўқталган. Машина ичида эса 39 ёшли Ўзбекистон фуқароси бўлган.
Тўппончани олишни талаб қилган ҳайдовчи «Миянгни қатиғини чиқариб ташлайман», — деган жавобни эшитган. Ҳайдовчи хавфсизлик камарини тақиб олганди, деб ёзилган хабарда. Номаълум шахс унга яқинлашиб келди ва тўппончани ҳайдовчининг пешонасига тиради. Ўзбекистон фуқароси унинг қўлини итариб юборди ва тезлик билан салондан қочди. Отилган ўқ эса машинанинг олд ойнасига теккан.
Орадан ярим соат ўтиб полиция ўқотар кимсани қўлга олди. У маст ҳолатда бўлиб, ўзи билан бирга елим идиш ҳамда сақлаш учун рухсат этилган ўқотар қуролга эга эди. Келишмовчилик тафсилотлари полиция томонидан ўрганилмоқда.
Изоҳ (0)