Франция Идлибдаги мактабга берилган авиазарбада Сурия армиясини ва унинг ҳамкорларини айблади

Франция ташқи ишлар вазири Жан-Марк Эро Суриянинг Идлиб шаҳридаги мактабга берилган авиазарба учун жавобгарликни ушбу мамлакат ҳукумат қўшинлари ва унинг шериклари зиммасига юклади. Бу ҳақда, Франция ТИВ матбуот хизматига асосланиб, «Интерфакс» хабар бермоқда.

«Сурия режими ва унинг шериклари тинчликка риоя этишдан узоқ, улар ушбу бомбардимонни амалга оширди. Бу ҳужум халқаро гуманитар ҳуқуқнинг қўпол тарзда бузилишидир», — таъкидлади вазир.

Илгарироқ UNICEF Идлибдаги мактабнинг бомбаланишида 22 бола ва олти ўқитувчи ҳалок бўлганини билдирган эди.