Россия ўзининг кимёвий қурол захираларини муддатидан аввал йўқ қилишга ваъда берди

Россия ўзининг барча кимёвий қурол захираларини 2017 йил декабрига қадар тўлиқ йўқ қилиб бўлади, дея хабар бермоқда «РБК».

Россия Кимёвий қуролни хавфсиз сақлаш ва йўқ қилиш федерал бошқармаси бошлиғи генерал-полковник Валерий Капашиннинг маълум қилишича, бу борада якуний қарор қабул қилинган ва имзоланган.

Умумий ҳисобда, Удмуртиядаги «Кизнер» объектида СССР замонидан қолиб кетган 2 миллиондан ортиқ снарядлар йўқ қилиниши лозим. 2016 йил октябрига қадар жанговар заҳарловчи моддалар захирасининг 95 фоизи йўқ қилинган эди.

Аввалроқ Удмуртиядаги объект раҳбари Юрий Новойдарский Россиядаги кимёвий қурол захираси 2018 йил декабригача тўлиқ йўқ қилинишини айтиб ўтган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.