A321 иши бўйича жабрланувчилар юз миллионлаб доллар миқдорида товон пули олиши мумкин

Синай осмонида Россияга тегишли A321 лайнерининг ҳалокати билан боғлиқ равишда олиб борилаётган иш бўйича даъвогар ва жабрланувчи сифатида кўрилаётганлар юз миллионлаб доллар миқдори товон пули олиши мумкин. Бу ҳақда ҳуқуқшунос Игорь Трунов маълум қилди.

«Биз билан юзга яқин одам келишув имзолади. Ҳозир Россияда самолётни ва самолёт эгаларининг жавобгарлигини суғурта қилган компаниялар билан музокаралар олиб борилмоқда», — унинг сўзларини келтиради «ТАСС».

Унинг таъкидлашича, музокараларни нафақат россиялик, балки хорижлик ҳуқуқшунослар ҳам олиб бормоқда.