Синайда ҳалокатга учраган A321 бортидаги портлаш жойи аниқланди

Россиялик терговчилар Мисрнинг Синай ярим оролида ҳалокатга учраган Россияга тегишли Airbus A321 самолёти фюзеляжида портлаш таъсири жойини аниқлади. Бу ҳақда «Ведомости» хабар бермоқда. 

«Қоҳира аэропорти ҳудудида ўтказилган кўриб чиқиш чоғида фюзеляжга портлаш таъсир кўрсатган жойлар аниқланди. Портлашдан кейинги асорат излари қайд этилди», — дейди Россия Тергов қўмитаси вакили.

Аввалроқ экспертлар жиноят сценарийсини тахминан қайта тиклаган эди. Унга кўра, йўловчиларнинг юклари икки асосий багаж бўлмаларига жойлаштирилган.

Кичик ҳажмдаги юкни самолётга алоҳида ташувчи етказган — шунда террорчилар иштирок этган. Улар лайнерга соатли ва барометрли датчиклар ўрнатилган кичик бомба солинган пакетни олиб ўтган. 

Россиянинг «Когалимавиа» авиакомпаниясига тегишли, бортида 224 киши бўлган A321 лайнери 2015 йил 31 октябрь куни Мисрнинг Синай яримороли устидан учиб ўтаётганида қулаган эди.

Портлаш парвоз бошланганидан кейин 22 дақиқа ўтиб — самолёт 10 минг метр баландликда, соатига 750 километр тезликда учаётганида юз берган.