A321 ishi bo‘yicha jabrlanuvchilar yuz millionlab dollar miqdorida tovon puli olishi mumkin

Sinay osmonida Rossiyaga tegishli A321 laynerining halokati bilan bog‘liq ravishda olib borilayotgan ish bo‘yicha da’vogar va jabrlanuvchi sifatida ko‘rilayotganlar yuz millionlab dollar miqdori tovon puli olishi mumkin. Bu haqda huquqshunos Igor Trunov ma’lum qildi.

“Biz bilan yuzga yaqin odam kelishuv imzoladi. Hozir Rossiyada samolyotni va samolyot egalarining javobgarligini sug‘urta qilgan kompaniyalar bilan muzokaralar olib borilmoqda”, — uning so‘zlarini keltiradi “TASS”.

Uning ta’kidlashicha, muzokaralarni nafaqat rossiyalik, balki xorijlik huquqshunoslar ham olib bormoqda.