Деҳли бўлажак Россия—Покистон ҳарбий машғулотлари юзасидан Москва билан боғланди ва бу машғулотлар Ҳиндистон ҳудудий яхлитлигига зарар етказмаслиги ҳақида ваъдаларни олди. Бу ҳақда Ҳиндистоннинг Россиядаги элчиси Панкарж Саран маълум қилди, дея хабар беради «Интерфакс».
«Биз Россия расмийлари билан боғландик ва уларга Ҳиндистон ҳамда Россия ўртасидаги муносабатларга нечоғли катта аҳамият беришимиз ҳақидаги фикрларимизни етказдик. Россия ҳукумати мамлакатимиз учун оғриқли бўлган масалалар, жумладан, унинг ҳудудий яхлитлигига чуқур ҳурмат билан ёндошишини билдирди ва Россия Ҳиндистон миллий хавфсизлиги манфаатларига зиён етказмаслигига ишонтирди», — дея таъкидлади элчи.
Маълумот учун, 24 сентябрь куни Покистоннинг тоғли ҳудудларида Россия ва Покистоннинг «Дўстлик—2016» деб номланган илк ҳамкорликдаги ҳарбий машқлари бошланади.
Изоҳ (0)