АҚШ жорий ҳафтада 55 нафар кубалик муҳожирни юртига қайтарди. Улар денгиз орқали АҚШ ҳудудига ўтиб олишга уринган ва Флорида кўрфазида тўхтатиб қолинган эди. Бу ҳақда, АҚШ Қирғоқ мудофаасига таяниб, El Nuevo Herald нашри маълум қилди, деб хабар бермоқда «ТАСС».
Қоидабузарлар 36 ва 19 кишидан иборат икки гуруҳда Куба шимоли-ғарбидаги Кабаньяс портига юборилди.
«Биз АҚШ ҳудудига ноқонуний етиб олиш учун сузиб ўтишга уринган барчани улар ўз ҳаётини хавф остига қўяётганлигидан огоҳлантирамиз», — деди Қирғоқ мудофааси вакили капитан Марк Гордон.
Қирғоқ мудофаасининг маълум қилишича, ўтган ойда 834 нафар кубалик АҚШ соҳилларига етиб олишга уринган. Бу эса ўтган йилнинг июль ойи кўрсаткичидан икки баробар ортиқдир.
Изоҳ (0)