АҚШ расмийлари Луизианадаги шиддатли тошқинлардан сўнг орадан бир ҳафта ўтгач, мазкур штатга 56 миллион доллардан ошиқ маблағ ажратишга кўрсатма берди. Бу ҳақда 20 август, шанба куни мамлакат фавқулодда вазиятлар федерал агентлиги (FEMA) маълум қилди, деб хабар беради «ТАСС».
Агентликка кўра, мазкур маблағнинг асосий қисми — 39 миллион доллардан зиёди жабрланганларни вақтинчалик уй-жой билан таъминлаш ва табиий офат ҳудудидаги уйларда биринчи галдаги таъмирлаш ишлари учун ажратилди.
Шунингдек, федерал ғазнадан ҳозиргача жабрланган аҳоли, кичик ва ўрта бизнесга кўмак учун 3,5 миллион доллар берилди. Яна 2 миллион доллар АҚШ транспорт вазирлиги томонидан тошқин ҳудудидаги автойўллар, кўприкларни тезкор таъмирлаш учун ажратилди.
Изоҳ (0)